Takalami | تكلمي

رێکخراوی کەونار پڕۆژەی “چیرۆکی شوێنەوارەکان” رادەگەیێنێت

لەلایەن پەسار فایەق//


رێکخراوی کەونار بۆ پاراستنی شوێنەوار، پڕۆژەی “چیرۆکی شوێنەوارەکان” رادەگەیێنیت، کە بۆ ناساندنی شوێنەوار و کەلەپوورە بە منداڵانى تەمەن پێنج تاوەکو شەش ساڵی.

سارا سەردار، سەرۆکی رێکخراوی کەونار، بە رووداوی راگەیاند “ئامانج لە پڕۆژەیە پاراستنى زیاتری شوێنە شوێنەوارییەکانە، هەروەها بۆ بەرزکردنەوەی ئاستی هۆشیاری کۆمەڵگەیە، بە تایبەت منداڵان کە لەلایەن کۆمەڵێک خۆبەخشەوە جێبەجێدەکریت.پڕۆژەکە لە دوو بەشی چیرۆک و پێشانگە پێکدێت و لە چوار باخچەی منداڵان بەڕێوەدەچێت، هەر باخچەیەک یەک رۆژ و هەر رۆژەو سێ پۆل دەبێت”.

سارا سەردار گوتیشی “چالاکوانە خۆبەخشەکان پێناسەی وشەی شوێنەوار و شوێنی شوێنەواری بەشێوازێکی سادە و پراکتیکی و بە بەکارهێنانی وێنە و کۆمەڵێک کەرەستەی تایبەت، باس دەکەن. پڕۆژەکە کاژێر١٠ بەیانی سبەی یەکشەممە ٣ شوبات ٢٠١٩، لە باخچەی باڵای
ناحکومی لە هەولێر دەستپێدەکات و تاوەکو ٢٨ هەمان مانگ، بە پێشانگەیەک لە گەلەری شانەدەر لە پارکی شانەدەر کۆتایی دێت”.

سەرۆکی رێکخراوی کەونار روونیشیکردەوە، هەر لەم پڕۆژەیەدا دەرفەتی  وێنەکێشانی شوێنەوارەکان بە بەشداربووان دەدرێت، دواتر بە مەبەستی زیاتر ئاشنابوونیان بە شوێنی شوێنەواری، سەردانێکیان بۆ قەڵای هەولێر بۆ رێکدەخرێت.

کەونار رێکخراوێکی ناحکومییە و لە 23 ئەیلوولی ٢٠١٨ دامەزاوە و “چیرۆکی شوێنەوارەکان” یەکەم پڕۆژەیەتی، لە داهاتوودا بە پڕۆژە و چالاکیی جیاجیا درێژە بە بڵاوکردنەوەی هوشیاریی پاراستنی شوێنەوارەکانی کوردستان دەدات.

 

رووداو – هەولێر

 

اضف تعليق

اترك رد

تسجيل الدخول

تابعونا

الاكثر مشاهدة