Takalami | تكلمي

لە خەیاڵدا

دەق: هاوار تەیب     

وەرە، نێو سرووشتەوە
هەر تۆ لەم شۆڕابیانە تێدەگەی
تۆ وەک سمۆرەیەک
بە ئیقاعی بەربوونەوەی گوێز دڵخۆش نیت
بەربوونەوە واتا دوورکەوتنەوە لە باوەشی نیشتمان
واتا بوونە هەڵم.
تۆ وەک یەڵدا
لە درێژترین ماوەدا هەنگاوت نا و
وەک کانت خۆت خستە نێو گنگڵدان لە باوەشی فامکردنەوە.

وەرە نێو خەونەوە
تا هەموو جێ دەبن بە بیرکردنەوە،
دوورکەوتنەوە لە ونبوون
تا تێکئاڵانی دوو خەیاڵ لەماڵی مەرگدا
تا ئاوێتەبوونی دەنگی پشیلەیەک و تارژەنێ
کەوتنی ئیقاعی کوشتن و
هەموو یادهێنانەوەیەک
لە نا ئاشناییدا،
تربەی دڵی نەهێنگێک ئاوێتەی نزاکانی ڕاهیبێک بێ.

ڕانیە
هاوار تەیب

اضف تعليق

اترك رد

تسجيل الدخول

تابعونا

الاكثر مشاهدة