Takalami | تكلمي

هونەری ئەبستراکت لای هونەرمەندی شێوەکار (نوره‌دین)

نوسينى: جمال غریب//
هونەری ئەبستراکت، یەکێکە لە و هونەرە جوانانەی تەژییە لە ڕامان و تێڕوانین بە چاوی هونەریی لەدیدگای بەرکەوتنەوە بەو تابلۆیانەی بەرت دەکەوێت ، هونەری ئەبستراکت لای هونەرمەندی شێوەکار ، نوره‌دین ، خەسڵەتێکی تایبەتی هەیە ،بەچەشنێک گەر موتەلەقی، دووجار بەر تابلۆکانی بکەوێت ، ڕاستەو ڕاست ئسلوبی هونەریی هونەرمەند دەناسێتەوە، تێ دەگات کە ئەو تابلۆیانە لە ئسلوبی نوره‌دین  دەچێت ، چون کارکردنی هونەرمەند لە هونەری ئەبستراکتدا جودا لە تابلۆکانی تری کە سەر بە  قوتابخانه  تەقلیدی یا ئينتيباعی یا واقعی بێت شێوازی کێشانی هونەریی هونەرمەند.
لەم قوتابخانانةدا  تایبەتمەندێتی خۆیی پێوە دەبینرێ بە حوکمی بەکاربردنی ڕەنگەکانی هونەرمەند پەنای بۆ دەبات ، بەتایبەت ڕەنگی سوور و قاوەیی و هەناریی و خاکی و سپی لە هونەریی هونەرمەندا حزوریان هەیە ، کە هەر ڕەنگێکیش ماناو
دەلاله تێکی تایبەتی خۆیی هەیە و لە هزری هونەرمەندا ، ڕەنگە سورەکە لای هورمەند ماناو دەلاله تی بەخشین و فیداکاری و قوربانی دەگەیەنێ ، ئەمەش لە شوناسی نەتەوەکەیدا تەوزیف دەکات ، کە هەمیشە تاکی کورد کەسێکی قوربانیدەرە هەر لە مەسەلەى عاتیفی وعيشق و ئەویندا چیرۆکی قوربانی و بەخشینی گیان لە چیرۆکی هەریەکە لە عاشقانی ئێمەی کوردا، حزوریان هەیە و گوزارشت لە دۆڕاندنی چیرۆکی عیشق لەپاڵ عیشقەکەیانەوە دەبینرێ ، هەربۆیە گیانی به رگری و مقاوه مەت لە کلتوری کوردیدا ڕەنگی داوەتەوە و هەمیشە کەسێتی کورد لە بەرگی پاڵاوانێکی گیانبازیدا خۆی دەبینێتەوە بە حوکمی سروشت  و و اقیعی جێکەوتە جوگرافیەکەی ،هەمیشە مەترسی لەسەر نیشتمان و کلتورەکەی هەبووە و هەیە، بۆیە هونەرمەند پەنا ی بردووە بۆ ڕەنگی سوور، بەڵام بۆ ڕەنگە سپیەکەشی هێمایەکە بۆ دڵسافی تاکی کورد کە به درێژایی مێژووەکەی باجی ئەو دڵسافیەی داوەتەوە و بەقازانجی نەیاران و دوژمنەکانیدا شکاوه تەوە ، ڕەنگە قاوەیی و خاکیەکەش نیشانەی جیۆ پۆلەتیکی خاکەکەی نیشان دەدا کە سەر بەناوچەیەکی شاخاوی و دەشت و دوڵ و هەوراز و نشێوە و سەختی جوگرافیاکەی ، هەمیشە فاکتەرێکی ئیجابی بووە بۆ پارێزگاری کردنی نەتەوەی کورد و مانەوەی لەسەر خاک و زێدی باب و باپیرانی خۆی وێڕای پەلاماری دوژمنەکانی بەدڕندانەترین شێوە. ڕەنگە شینەکەشی هونەرمەند هێمای چینێکی زەحمەت کێش و ستەم دیدە ی کۆمەڵگای کوردی نیشان دەدا کە هەمیشە بوونەتە قوربانی بریاربەدەستانی ناوخۆیی قەڵەمڕەوی کوردی ، وێڕای هەموو ئەمانەش هونەرمەند ، تابلۆ ئەبستراکتەکانی خۆی لە شێوەی بەکارهاتووی ماڵ و خانووی قوڕینە و شمەک و کاڵا کۆنینەکانی خێزانی کوردی نمایش دەکات کە لەدێرزەمانەوە کورد ئەو ئامێرو شمەک و کاڵایانەی بەکارهێناوە کە خۆی دروستی کردووە لە کۆندا و ئێستاش له لاى هەندێ خێزانی کوردیدا دەبینرێ .. واتە هونەرمەند دەیەوێ لەڕێگای ئەم هونەرەوە شوناس و کلتوری نەتەوەکەی بەجیهان و کلتورە جیاوەزەکان بناسێنێ.

اضف تعليق

اترك رد

تسجيل الدخول

تابعونا

الاكثر مشاهدة