Takalami | تكلمي

ڕەسەنایەتی لەكاری هونەریدا (لەڕوانگەی پڕ مانا وجوانەكەی كوردستان حسن)

نوسينى:  نوره‌دین جاف//

تا ئەوكاتەی بیرۆكەیەكی نوێ نەیەتە ئاراوە داهێنان ڕەسەنایەتی تیا نییە
كاتێك بڕیار لەڕەسەنایەتی كارێكی هونەری یان داهێنان ئەدرێت لەژێر ڕۆشنایی وسێبەری هیچ فكرێكی بڵاو و تەقلید و فكری كەسانی تر نەبێت ڕەسەنایەتی هەوڵی دەرخستنی شوناسی دەدات لەهونەری نوێدا تێكڕای بەرهەمە هونەرییەكان دەگەڕێنێتەوە سەر كەلەپوور بۆ ئەوەی پارێزگاری لەشوناس بكرێت هونەرمەندی خاوەن ناسنامەی نەتەوەیی بەشێك لەڕەسەنایەتی خۆرسكی تێدایە
ڤانكوخ سوودی لەهونەری یابانی وەر دەگرت
پیكاسۆ حەزی لەهونەری ئەفریقی دەكرد
زەخرەفە باشترین نموونەی زیندوو بەردەوامی ڕۆژگاری كۆن وئێستایە
گەلانی ئاری وزەردەشتییەكان لەبەرئەوەی ئاگر سنبولی پاكی وگوزارشتی لەخۆرو ڕووناكی كردووە لەكەلوپەل وتەلارو خانووەكانیاندا بەرجەستەیان كردووە هەموو خانوویەك ڕەگەزێكی ڕۆحی لەخۆگرتووە وەجاخێكیان تێدا دامەزراندووە
وەكو كوردیش كەهەمیشە داگیركراوە ئامرازەكانی ناسنامە وەكو پەیكەر ونووسین ودەستنووس وتێكرای ئاسەوارەكانی بە ئاشكرا ودزی ئاودیو دەكرا یاخود تێكدان وسوتاندنی مۆنێمێنت وپڕۆژەی هونەری، كە گوزارشت لەتراژیدیای نەتەوەیی ئەكرد خاڵی سفر بوون وسەرەتای دەسپێكردنی شاڵاوی لەناوبردن وئەنفالی فەرهەنگی نییە؟
هەروەها كێشەی لەناوچوونی هۆش و وێنە جەختكردنەوەیە لەسەرسەڵماندن وداڕمانی شكۆی فەرهەنگی.
ڕەسەنایەتی لەشێوەكاریدا هانی مرۆڤ دەدات قوڵ بێتەوە لەبونەوەرو چوانی بەستنەوەو ئاوێتەبوونی ڕەنگ وفۆڕمەكان بەیەكەوە واتە ئەو ڕەگەزانەی چواردەوری مرۆڤیان تەنیوە لەئاسمان وزیندەوەر و سروشت.
هونەرمەند ئەم وێنانە لەهەست وئەندێشەیدا دادەنێ و لەڕێی بینینەوە كۆیان دەكاتەوەبەمەرجێك ئەم كۆكردنەوەیە بەئامانجی كۆپیكردنی وێنەو فۆڕم نەبێت چونكە كۆپی كردن بێتوانایی بۆچوونەكانە،ڕۆژئاوا نموونەی هونەری دروست كرد لەقۆناغی ڕێنیسانسدا هونەری یونانی و ڕۆمانیەكانیان كۆپی دەكرد پاشان پەلاماری كەلەپووری كۆن وشارستانیەتی گەلانی دیكەیان دا،هیند و چین و ئەفریقی ئەو چنینانەی كەلەڕێی ئەزمونەكانەوە سوودیان لێ وەرگرتووە ئەمڕۆ پێی دەڵێن هونەری هاوچەرخ
كەواتە هاوچەرخێتی بریتییە لەبەكارهێنانی ستایل وكەرەسەی نوێ بۆچارەسەركردنی كاری هونەری.
چۆن ئەبێ لەهونەری شانۆومۆزیكدا خاوەنی دەق ونۆتە و ژێی خۆت بیت لەشێوەكاریدا ئەبێ خاوەنی فۆڕم وناوەڕۆك و ستایلی تایبەت بەخۆت بیت و مۆركی نەتەوەیی و جیهانبینی هاوچەرخی مرۆڤایەتیش لەبەرچاو بگریت.

 

  

اضف تعليق

اترك رد

تسجيل الدخول

تابعونا

الاكثر مشاهدة